【冇老點。懷舊菜 - 老點家老菜】
是日放婆婆假😝，即係我地三代一齊外出晚飯嘅好時間。要就到各人口味，中菜係最安全選擇🍚。
我地去咗嘅 #沙田嘅 #翠園，婆婆話想懷舊下，所以我地叫咗「 #老點家老菜」套餐，睇下係真. 懷舊 定 老點嘅🤣
李澄一見到 #椒鹽百花釀吊片 🍤 就急不及待，要用手攞住食，蝦膠包住吊片炸過，好彈牙，食到澄兄要 encore 😬 其實，媽媽以前都好鍾意食類似嘅蟹鉗🙈 而家要讓多啲俾囝囝食啦。
婆婆鍾意 #鼎湖上素冬瓜盅 🍄，有外表有內涵，竹笙、冬菇、草菇等豐富材料，雖然係素盅，但都好鮮甜，個個都飲2碗😌 原個冬瓜盅上，仲係呃like好時機🤳🏻。
重口味公公就最鍾意 #鮮味清湯全鵝鍋 🦢，呢個鍋好香，白蘿蔔吸收曬鵝湯味，連汁送飯一流。
湜澄媽最欣賞 #生扣龍串鳳翼球 🐔，去骨雞翼釀入紅蘿蔔同火腿，啱曬我邊食邊照顧湜弟，一啖可以食到唔同料。湜弟都有份食... 伴碟嘅西蘭花🥦
#三蝦啫啫蕹菜梗 🥬 好惹味，仲好有大牌檔風味，就好似細個去街邊食飯嘅味道！
甜品係好似菲林嘅 #巧製茶居芝麻卷 🎞️，好香芝麻味，又唔太甜，爽口軟滑，每層厚度適中，難怪湜弟見到都想食，澄兄自己食曬一整條 🤣 BTW，澄兄唔知乜嘢係菲林🙈
仲有個冷盤係 #懷舊蝦籽腐皮卷，可能太懷舊，連婆婆都表示未見過😂
一家人輕輕鬆鬆食餐飯，聽下長輩講舊時，真係好難得，要好好珍惜。
最後，用滙豐信用卡結帳 💳，享受埋「老點家老菜」85折優惠，又慳少少😏
美心中菜
#老點家老菜 #美心中菜 #maximschinese
Search